Fumi imago qui in Carolina Septenrionali oriturIn civitate Carolina septentrionali, quae proxima est Virginiae, nunc ardet humus turfa seu uligo turfacea, id est in paludibus ubi plantae putrefactae non possunt omnino tabescere, et cumulant et nova humus fiunt. Quae humus, ad altitudinem quindecim pedum seu quattuor metrorum cum dimidia, nunc propter caelum siccum et pluviae inopiam ipsa adeo aret ut facile ardeat. Octoginta saltus Romani, seu sedecim milia iugera decametrica, nunc flammis absumuntur, et fumus usque ad civitatem Novam Caesaream ventis vehitur. Vix possum quidquam extra domum videre per fumosum vesperum, et sol sanguineus nonnullis diebus terrae imminet tamquam mali fati omen.
0 annotationes